Fréttir og tilkynningar
Nýr bannlisti WADA 2019
Í dag tók gildi nýr bannlisti WADA, Alþjóðalyfjaeftirlitsstofnunarinnar (WADA Prohibited List). Listinn er endurskoðaður á hverju ári og tekur ný útgáfa gildi 1. janúar ár hvert. Bannlisti WADA gildir innan Íþrótta- og Ólympíusambands Íslands.
Bannlisti WADA 2019 - Helstu breytingar
Alþjóðalyfjaeftirlitsstofnunin (WADA) hefur nú birt samantekt um helstu breytingar á bannlista WADA 2019 ásamt útskýringum. Á listanum má sjá hvaða efni og aðferðir eru bannaðar bæði í keppni og utan keppni og hvaða efni eru bönnuð í ákveðnum íþróttagreinum. Hér má sjá samantekt um helstu breytingar ásamt útskýringum.
Hádegisfyrirlestur: Vegabréf íþróttamannsins
Í hádeginu í dag, þriðjudaginn 18. september, mun Lasse Bækken frá Lyfjaeftirliti Noregs (Anti-Doping Norway) halda fyrirlestur undir yfirskriftinni „Vegabréf íþróttamannsins“. Fyrirlesturinn fer fram í húsakynnum ÍSÍ, Engjavegi 6, 104 Reykjavík (E-sal – 3. hæð) og hefst kl 12:00.
Fyrsti fundur stjórnar Lyfjaeftirlits Íslands
Í júní sl. fór fram stofnfundur Lyfjaeftirlits Íslands. Með tilkomu nýrrar lyfjaeftirlitsstofnunar fluttist lyfjaeftirlit úr höndum ÍSÍ yfir á stofnunina. Stjórn nýrrar stofnunar skipa Dr. Skúli Skúlason (formaður), Áslaug Sigurjónsdóttir, Erna Sigríður Sigurðardóttir, Helgi Freyr Kristinsson, Pétur Magnússon og Sif Jónsdóttir.
Lyfjaeftirlit ÍSÍ og jafningjafræðslan
.jpg?proc=150x150)
Nýverið hélt verkefnastjóri Lyfjaeftirlits ÍSÍ, Birgir Sverrisson, erindi fyrir jafningafræðsluna. Erindið fjallaði um anabólíska stera, aukaverkanir og hvatana bakvið notkunina á þeim hvort sem er innan íþrótta eða utan. Hópurinn átti gott spjall um ýmis konar þætti er snúa að andlegum og líkamlegum áhrifum af notkun þessara ólöglegu efna og einnig var rætt um líkamsímynd og umfang notkunar, bæði innan og utan skipulagðs íþróttastarfs. Að lokum var farið stuttlega yfir niðurstöður nýlegra rannsókna á notendum anabólískra stera og rætt um hvernig jafningafræðslan geti stuðlað að því að ungt fólk fái fræðslu um skaðsemi þessara efna og verið miklvægur þáttur í því að hvetja það til heilbrigðar heilsuræktar.
Lyfjaeftirlit Íslands sett á stofn
.JPG?proc=150x150)
Starfsemi lyfjaeftirlits á Íslandi var færð í sérstaka sjálfseignarstofnun í dag þegar Lilja Alfreðsdóttir, mennta- og menningarmálaráðherra, og Lárus Blöndal, forseti ÍSÍ, skrifuðu undir skipulagsskrá Lyfjaeftirlits Íslands.
Lyfjamisnotkun og lýðheilsumál
Lyfjamisnotkun einskorðast ekki við afreksíþróttafólk og hafa ýmsir aðilar utan skipulagðra íþrótta áhyggjur af aukinni notkun ólöglegra árangursbætandi efna og frekari þörf á fræðslu og forvörnum. Málþing um forvarnir í lyfjamálum
Þann 5. apríl nk. fer fram málþing um forvarnir í lyfjamálum. Fredrik Lauritzen, forstöðumaður forvarna- og lýðheilsumála hjá Anti-Doping Norway mun fjalla um málefnið.
Íshokkíleikmaður í bann fyrir brot á Lögum ÍSÍ um lyfjamál
Lyfjaeftirlit ÍSÍ tilkynnti í dag að Falur Birkir Guðnason, leikmaður meistaraflokks karla í íshokkí hjá Skautafélaginu Birninum, hafi samþykkt að gangast undir 8 mánaða óhlutgengi fyrir brot á Lögum ÍSÍ um lyfjamál.
Tæplega helmingur íþróttafólks treystir ekki á gagnsæi í íþróttum
Í nóvember á síðasta ári fór fram sex vikna rafræn könnun á vegum Alþjóðalyfjaeftirlitsins (WADA) sem fjallaði um réttindi íþróttafólks. Hugmyndin er að til verði sáttmáli um réttindi íþróttafólks, í Alþjóðalyfjareglunum, en markmiðið með slíkum sáttmála er að tryggja og auka réttindi íþróttafólks.
Þekkir þú hættuna við lyfjamisnotkun?
Þekkir þú hættuna við lyfjamisnotkun? Í Laugardalshöll hefur verið settur upp auglýsingaveggur sem að sýnir aukaverkanir við lyfjamisnotkun á myndrænan hátt.
Kíktu í Laugardalshöll og kynntu þér málið á meðan á Reykjavíkurleikunum stendur. Þar er hægt að svara stuttri getraun og eiga möguleika á veglegum vinningum. Dregið verður úr réttum svörum 29. janúar og 5. febrúar. Bannlisti WADA 2018
Í dag tók gildi nýr bannlisti WADA, Alþjóðalyfjaeftirlitsstofnunarinnar. Bannlisti WADA gildir innan Íþrótta- og Ólympíusambands Íslands.