2019 Svartfjallaland
Smáþjóðaleikar fóru fram í Svartfjallalandi 27. maí-1. júní 2019. Keppnisgreinar voru frjálsíþróttir, sund, júdó, skotíþróttir, tennis, borðtennis, karfa, blak, strandblak og boules.
Landslið karla í blaki hefur lokið leik
Karlalandsliðið í blaki spilaði sinn síðasta leik í dag á móti Kýpur á Smáþjóðaleikunum. Íslenska liðið hafði ekki unnið leik á mótinu fyrir leikinn, en tekið eina hrinu í þeim öllum.
Stund milli stríða
Kvennalandsliðið í blaki hefur staðið sig vel á Smáþjóðaleikunum 2019, en þær tryggðu sér þriðja sætið á leikunum í morgun. Á bak við tjöldin eru m.a. Berglind Valdimarsdóttir liðsstjóri og Mundína Ásdís Kristinsdóttir sjúkraþjálfari kvennalandsliðsins í blaki, en þær hafa fylgt hópnum á þessum leikum.
Landslið karla í körfu með brons
Lokaleikur íslenska körfuknattleikslandsliðs karla fór fram í morgun. Liðið sigraði Kýpur 86:53 og náði þar með 3. sæti á Smáþjóðaleikunum 2019. Liðið hefur spilað vel á leikunum, sýnt góða liðsheild og hefur verið flott að fylgjast með þeim.
Bronsverðlaun hjá blaklandsliði kvenna
Kvennalandsliðið í blaki spilaði sinn síðasta leik á Smáþjóðaleikunum í dag við gestgjafana Svartfjallaland. Með sigri gátu Svartfellingar tryggt sér gull á leikunum. Með íslenskum sigri var möguleiki á silfri, en bronsið var tryggt fyrir leikinn.
Silfurverðlaun í körfu kvenna
Lokaleikur íslenska körfuknattleikslandsliðs kvenna fór fram snemma í morgun. Liðið sigraði Kýpur 80:62 og náði þar með 2. sæti á Smáþjóðaleikunum 2019. Liðið hefur náð að halda góðri stemmningu í gegnum alla leikina, verið ákveðnar og það hefur verið frábært að fylgjast þeim.
Dagskrá fimmta keppnisdags Smáþjóðaleika
Á morgun, laugardaginn 1. júní, heldur keppni í körfuknattleik og blaki áfram hér í Budva. Keppni í öðrum íþróttagreinum er lokið. Dagskráin er eftirfarandi:
Fjórði keppnisdagur á Smáþjóðaleikunum - Samantekt
.JPG?proc=150x150){kind=logo}
Keppni er lokið á fjórða degi Smáþjóðaleikanna.Yngsti keppandi Íslands á Smáþjóðaleikunum 2019
Yngsti keppandi Íslands á leikunum að þessu sinni er Agnes Brynjarsdóttir keppandi í borðtennis. Agnes var 12 ára, átta mánaða og sjö daga þegar leikarnir hér í Svartfjallalandi voru settir. Hún er þó ekki yngsti keppandi sem keppt hefur fyrir hönd Íslands á Smáþjóðaleikum því á allra fyrstu leikunum, í San Marínó árið 1985 var Magnús Már Ólafssson sundmaður 12 ára, fjögurra mánaða og 23 daga við setningu leikanna.Andri Stefánsson á sínum tíundu Smáþjóðaleikum
Andri Stefánsson, sviðsstjóri Afreks- og Ólympíusviðs ÍSÍ, er þaulreyndur fararstjóri sem er nú á sínum 10. Smáþjóðaleikum fyrir hönd ÍSÍ. Hann á sæti í tækninefnd Smáþjóðaleikanna og hefur annast eftirlit fyrir nefndina með borðtenniskeppninni á leikunum og einnig verið hluti af fararstjórn ÍSÍ á leikunum.Þrjú gullverðlaun í frjálsum í dag
Frjálsíþróttakeppninni á Smáþjóðaleikunum 2019 lauk í Svartfjallalandi í dag með frábærum árangri Íslands. Þrjú gullverðlaun, fjögur silfururverðlaun og sex bronsverðlaun hjá íslensku keppendunum á lokadegi. Einnig voru margir að bæta sinn besta árangur, stelpurnar í 4×100 metra boðhlaupi settu aldursflokkamet í flokki 18-19 ára og 20-22 ára og Dagbjartur Daði Jónsson setti aldursflokkamet 20-22 ára í spjótkasti.
Keppni í loftriffli á Smáþjóðaleikunum
.jpg?proc=150x150)
Keppni fór fram í loftriffli kvenna og karla á Smáþjóðaleikunum í dag.
Stelpurnar sigruðu Mónakó í körfu
Einn leikur fór fram í dag í keppni kvenna á Smáþjóðaleikunum en íslenska liðið lék gegn liði Mónakó. Stelpurnar okkar tóku sér fyrsta leikhlutann í að hitna og koma sér í gang en staðan var 26:23 fyrir Ísland. Í öðrum leikhluta var allt annað að sjá vörn okkar stelpna sem settu í lás og sóttu mun ákveðnara hinum megin á vellinum. Staðan í hálfleik 51:28 og ljóst í hvað stefndi. Næsti leikhluti fór 18:13 og sá síðasti 22:18 og öruggur 91:59 sigur í höfn.