Fréttir frá Sumarólympíuleikum
Síðustu dagar Ólympíumóts fatlaðra
Einn keppnisdagur er eftir hjá íslensku þátttakendunum á Ólympíumóti fatlaðra í London. Helgi Sveinsson frjálsíþróttakappi keppir í spjótkasti og 100 m hlaupi á morgun, þann 7. september. Góður árangur hefur náðst hjá íslensku keppendunum og þar ber auðvitað hæst árangur Jóns Margeirs Sverrissonar gullverðlaunahafa í 200 m skriðsundi í flokki S1, flokki þroskahamlaðra, en Jón Margeir setti, eins og alkunna er, bæði heimsmet og Ólympíumótsmet í sundinu. Ólympíuleikarnir í London
Í tilefni af afmælisárinu var ákveðið að leggja áherslu á að kynna ólympíufara okkar Íslendinga með meira þunga. Gefið var út veglegt Íþróttablað sem dreift var á öll heimili á landinu í aðdraganda leikana. Kynning á ólympíuförum okkar var meira áberandi en áður, ÍSÍ var í samstarfi við MBL sjónvarp þar sem flestir íþróttamennirnir voru kynntir til leiks, einn og einn.