Beint á efnisyfirlit síðunnar

Á döfinni

28

16.03.2020

Guðlaug Edda nælir í dýrmæt Ólympíustig

Guðlaug Edda nælir í dýrmæt ÓlympíustigGuðlaug Edda Hannesdóttir, þríþrautarmeistari, stefnir á að taka þátt í ólympískri þríþraut á Ólympíuleikunum í Tókýó 2020. Í ólympískri þríþraut eru syntir 1500 metrar, 40 kílómetrar hjólaðir og 10 kílómetrar hlaupnir.
Nánar ...
24.02.2020

5 mánuðir til Ólympíuleika 2020

5 mánuðir til Ólympíuleika 2020Nú eru fimm mánuðir þangað til setningarhátíð Ólympíuleikanna í Tókýó fer fram þann 24. júlí 2020. Leikarnir standa yfir í rúmar tvær vikur og lýkur með lokahátíð þann 9. ágúst.
Nánar ...
24.01.2020

6 mánuðir til Ólympíuleika í Tókýó

6 mánuðir til Ólympíuleika í TókýóNæstu Ólympíuleikar fara fram í Tókýó 24. júlí til 9. ágúst 2020. Í dag er því fagnað að hálft ár er þar til setningarhátíð Ólympíuleikanna fer fram. Skipuleggjendur leikanna halda því fram að um sé að ræða nýjungagjörnustu Ólympíuleika í sögunni því á þeim verður meðal annars hægt að sjá bifreiðar drifnar áfram af vetni og ný tæki sem geta þýtt fjölmörg tungumál yfir á önnur tungumál ásamt mörgu öðru. Ólympíuleikvangurinn er tilbúinn til notkunar, en hann var byggður frá grunni í japönskum stíl og að mestu leyti úr viðarefni. Mikil áhersla er á sjálfbærni á leikunum og eru verðlaunin meðal annars búin til úr gömlum farsímum japansks almennings. Gullverðlaunin eru alltaf eftirsóttust, en aðeins 339 íþróttamenn munu vinna gull á leikunum. Í fjórum íþróttagreinum hefur aldrei áður verið keppt og því verða fyrstu gullverðlaunin veitt í þeim greinum á Ólympíuleikum, það eru greinarnar karate, hjólabretti, íþróttaklifur og brimbretti.
Nánar ...
09.01.2020

YOWG 2020 - Leikarnir settir

YOWG 2020 - Leikarnir settirSetningarhátíð þriðju vetrarólympíuleika ungmenna fór fram fyrr í kvöld í Lausanne í Sviss. Fánaberi við setningarhátíðina var Aðalbjörg Lillý Hauksdóttir keppandi í alpagreinum.
Nánar ...
04.01.2020

Fimm dagar í setningu YOWG 2020

Fimm dagar í setningu YOWG 2020Í dag eru 5 dagar þar til þriðju Vetrarólympíuleikar ungmenna (YOWG) verða settir í Lausanne í Sviss. Leikarnir standa yfir frá 9. - 22. janúar 2020. Á þeim 13 dögum sem keppnin fer fram eru 81 viðburður á dagskrá og er um að ræða átta keppnisstaði. 1880 íþróttamenn, þar sem kynjahlutfall er jafnt, 940 konur og 940 karlar, munu etja kappi á leikunum. Verða þetta fyrstu vetrarleikarnir á vegum Alþjóðaólympíunefndarinnar með jafnt kynjahlutfall keppenda.
Nánar ...
22.10.2019

Merki Ólympíuleikanna í París 2024

Merki Ólympíuleikanna í París 2024Í gær birti skipulagsnefnd Ólympíuleikanna í París í Frakklandi merki Ólympíuleikanna 2024 og Ólympíumóts fatlaðra 2024. Athöfnin fór fram í París, en um 700 hlauparar hlupu mismunandi leiðir í kringum miðpunkt Parísar og mynduðu útlínur nýja merkisins. Merkið var síðan sýnt í heild sinni á risastórum skjá í kvikmyndahúsinu Grand Rex Cinema í París kl.20.24. Í fyrsta skipti í sögunni er sama merki notað fyrir Ólympíuleika og Ólympíumót fatlaðra. Merkið sameinar þrjú þekkt tákn sem tengjast íþróttum, Ólympíuleikunum og Frakklandi, þ.e. gullverðlaunapening, ólympíueldinn og Marianne. Marianne er holdgervingur gilda franska lýðveldisins sem talin eru í kjörorðum landsins; „Frelsi, jafnrétti, bræðralag“. Hún er mikilvægt tákn lýðveldishyggju, frjálslyndis og lýðræðis í Frakklandi. Myndir af Marianne hafa birst á ýmsum opinberum skjölum, frímerkjum og myntum í Frakklandi og þótti skipulagsnefnd Ólympíuleikanna í París við hæfi að tengja Marianne við merki leikanna.
Nánar ...
10.09.2019

Verðlaunapeningar í Tókýó 2020

Verðlaunapeningar í Tókýó 2020Næstu Ólympíuleikar fara fram í Tókýó 24. júlí til 9. ágúst 2020. Tókýó er nú í annað sinn gestgjafi leikanna, en leikarnir fóru fram í borginni árið 1964. 11.000 íþróttamenn frá 200 þjóðum munu keppa í 33 íþróttagreinum á Ólympíuleikunum og verða 339 gullverðlaun veitt að þessu sinni. Nýlega voru verðlaunapeningar Ólympíuleikanna 2020 kynntir og fylgir mynd af þeim með fréttinni.
Nánar ...
23.08.2019

ÍSÍ og Tama City Tokyo undirrita viljayfirlýsingu

ÍSÍ og Tama City Tokyo undirrita viljayfirlýsinguÍþrótta- og Ólympíusamband Íslands hefur undirritað viljayfirlýsingu (Memorandum of understanding) við Tama City Tokyo og Kokushikan háskólann sem snýr að æfingaaðstöðu fyrir íslenska hópinn sem tekur þátt í Ólympíuleikunum í Tókýó 2020.
Nánar ...
22.08.2019

Tókýó 2020 - Fundur aðalfararstjóra

Tókýó 2020 - Fundur aðalfararstjóraUm það bil ári fyrir Ólympíuleika heldur framkvæmdaaðili leikanna og Alþjóðaólympíunefndin fund fyrir aðalfararstjóra þar sem fjallað er um alla helstu þætti er snúa að undirbúningi og þátttöku.
Nánar ...
25.07.2019

Eitt ár til Ólympíuleikanna í Tókýó 2020

Eitt ár til Ólympíuleikanna í Tókýó 2020 Næstu Ólympíuleikar fara fram í Tókýó 24. júlí til 9. ágúst 2020. Í gær fóru fram hátíðarhöld í borginni þegar því var fagnað að ár er þar til setningarhátíð Ólympíuleikanna fer fram. Á leikunum munu tæplega 11.000 íþróttamenn frá um 200 þjóðum keppa í 33 íþróttagreinum. 339 gullverðlaun verða veitt á Ólympíuleikunum 2020. Sjá má íþróttagreinarnar sem keppt verður í hér og dagskrá leikanna má sjá hér.
Nánar ...
25.06.2019

Vetrarólympíuleikarnir í Mílanó-Cortina 2026

Vetrarólympíuleikarnir í Mílanó-Cortina 2026 Í gær tilkynnti Thomas Bach forseti Alþjóðaólympíunefndarinnar (IOC) á fundi IOC í Lausanne í Sviss að Mílanó-Cortina á Ítalíu yrði gestgjafi Vetrarólympíuleikanna 2026 og Vetrarólympíumóts fatlaðra 2026. Valið stóð á milli Mílanó-Cortina og Stokkhólms-Åre í Svíþjóð. Fyrr á fundinum höfðu fulltrúar frá báðum borgum verið með kynningu á sinni borg og markmiðum í tengslum við leikana. Ítalir sem voru viðstaddir fundinn fögnuðu vel þegar að ljóst var að leikarnir yrðu haldnir í Mílanó-Cortina.
Nánar ...
24.06.2019

Ólympíustöðin sýnir frá fundi Alþjóðaólympíunefndarinnar

Ólympíustöðin sýnir frá fundi AlþjóðaólympíunefndarinnarÍ dag kl.14:00 (kl.13:00 ísl.) mun Ólympíustöðin sýna frá fundi Alþjóðaólympíunefndarinnar (IOC) í Lausanne í Sviss í beinni útsendingu.Thomas Bach, forseti IOC mun tilkynna á fundinum hvaða borg það er sem verður gestgjafi Vetrarólympíuleikanna 2026, en sú athöfn fer fram kl.18:00. Borgirnar tvær sem keppast um að verða valdar sem gestgjafi leikanna eru Stokkhólmur-Åre í Svíþjóð og Mílanó-Cortina á Ítalíu. Á fundinum munu fulltrúar frá báðum borgum vera með erindi, en Ólympíustöðin mun einnig sýna myndefni sem unnið hefur verið um undirbúning borganna í tengslum við Vetrarólympíuleikana 2026 ásamt viðtölum við skipuleggjendur og fleiri sem koma að slíku verkefni.
Nánar ...