Í tengslum við setningu Göngum í skólann í Brekkuskóla á Akureyri á miðvikudaginn 4. september og Ólympíuhlaups ÍSÍ sem haldið var í Borgarhólsskóla á Húsavík á fimmtudag 5. september, funduðu nokkrir starfsmenn ÍSÍ ásamt starfsmönnum frá Akureyrarbæ, Íþróttabandalagi Akureyrar (ÍBA) og svæðisstöð Norðurlands eystra, síðdegis miðvikudaginn, 4. september. Á fundinum kynntu starfsmenn ÍSÍ helstu verkefni Fræðslu-og almenningsíþróttasviðsins og fóru yfir ýmsa samstarfsmöguleika auk þess sem fundurinn var liður í því að kynnast betur nýjum starfsmönnum svæðisstöðvarinnar og koma á góðu sambandi milli starfsmannanna. Fundurinn var þó óformlegur en mjög góður og ýmsar hugmyndir og samstarfsmöguleikar ræddir.

Á myndinni má sjá hópinn sem fundaði saman, fremst frá vinstri:  Héðinn Svarfdal Björnsson, verkefnastjóri lýðheilsumála  Akureyrarbæjar, Margrét Regína Grétarsdóttir, starfsmaður Heilsueflingar ÍSÍ, Ragnhildur Skúladóttir, sviðsstjóri Fræðslu- og almenningsíþróttasviðs ÍSÍ, Þóra Pétursdóttir, starfsmaður á svæðisstöð Norðurlands eystra, Helga Björg Ingvadóttir framkvæmdastýra ÍBA og Ellert Örn Erlingsson, íþróttafulltrúi Akureyrarbæjar. Fremst frá hægri: Þórarinn Alvar Þórarinsson, sérfræðingur á Fræðslu- og almenningsíþróttasviðs ÍSÍ, Hansína Þóra Gunnarsdóttir, starfsmaður á svæðisstöð Norðurlands eystra, Linda Laufdal, sérfræðingur á Fræðslu- og almenningsíþróttasviðs ÍSÍ og Viðar Sigurjónsson, sérfræðingur á Stjórnsýslusviði ÍSÍ.