Beint á efnisyfirlit síðunnar

Á döfinni

18.04.2024 - 18.04.2024

Ársþing ÍA 2024

Ársþing Íþróttabandalags Akraness (ÍA) verður...
18.04.2024 - 18.04.2024

Ársþing ÍS 2024

Ársþing Íþróttabandalags Suðurnesja (ÍS)...
16

Marín og Valgerður í verkefni á vegum Ólympíusamhjálparinnar

15.02.2024

 

Verkefnið Continental Youth Training Camp á vegum Alþjóðabogfimisambandsins og Ólympíusamhjálparinnar var haldið 5. - 11. febrúar sl.  Marín Aníta Hilmarsdóttir, bogfimikeppandi, og Valgerður Einarsdóttir Hjaltested, þjálfari, tóku þátt í boði ÍSÍ og Ólympíusamhjálparinnar en verkefnið var í formi æfingabúða sem haldnar voru í Tyrklandi. Æfðu stelpurnar með tyrkneska landsliðinu, sem er framarlega í heiminum í bogfimi. 

Continental Youth Training Camp er haldið í hverri heimsálfu, fyrir hverja Ólympíuleika og er fyrir þjóðir sem eru smærri til miðlungsstórar, þ.e. m.v. þátttökufjölda á Ólympíuleikum. Þátttökurétt hefur íþróttafólk, 23 ára og yngra, sem náð hefur ákveðnum lágmörkum og er líklegt til þátttöku á Ólympíuleikum í framtíðinni.

Marín æfði og keppti í æfingabúðunum en Valgerður fór út sem þjálfari og sat ýmis námskeið ásamt þjálfurum tyrkneska landsliðsins. 

Nánari upplýsingar um ferðina og þátttöku stelpnanna má finna á heimasíðu bogfimisambandsins.