Beint á efnisyfirlit síðunnar

Á döfinni

26.07.2024 - 28.11.2019

París 2024

Ólympíuleikarnir fara fram í París í...
27.07.2024 - 13.08.2024

Keppni í 100 m...

Anton Sveinn McKee keppir í 100 m bringusundi...
21

EOC gefur 40 milljónir til Tyrklands

13.02.2023

 

Evrópusamband Ólympíunefnda (EOC) hefur gefið 250.000 evrur eða um 40 milljónir íslenskra króna til hjálpar þeim sem illa hafa orðið úti í hamförunum í Tyrklandi. Í samráði við Alþjóðaólympíunefndina (IOC) er framlaginu ráðstafað til Ólympíunefndar Tyrklands til að aðstoða Ólympíusamfélagið og íbúa á þeim svæðum sem urðu fyrir verstu afleiðingunum af skjálftunum.

Í fréttatilkynningu frá sambandinu er haft eftir Spyros Capralos, forseta EOC, að allir  hjá sambandinu séu sorgmæddir yfir þessum hrikalega atburði í Tyrklandi og Sýrlandi. Sambandið hafi ákveðið að gera sitt í að aðstoða Ólympíunefnd Tyrklands og fólkið á þeim svæðum sem urðu verst úti í skjálftunum og því samþykkt sérstakt framlag til Ólympíunefndar Tyrklands úr styrkjasjóði sambandsins í þeim tilgangi. Hann sagði hug allra vera hjá þeim sem urðu fyrir áhrifum af jarðskjálftunum og kom á framfæri innilegum samúðarkveðjum frá EOC til allra þeirra sem misstu ástvini í hamförunum sem og góðum bataóskum til þeirra sem slösuðust.

Þess má geta að ÍSÍ sendi Ólympíunefndum Tyrklands og Sýrlands dýpstu samúðarkveðjur vegna hamfaranna.