Það styttist í Ólympíuhátíð Evrópuæskunnar sem fram fer í Friuli Venezia Giulia á Ítalíu 21.-28. janúar.
Framkvæmdastjórn ÍSÍ hefur nú staðfest íslenska hópinn sem fer á hátíðina:

Hér er hægt að sjá lista yfir þátttakendur.

Í síðustu viku var haldinn stór upplýsingafundur með öllum þátttakendum og aðstandenum. Farið var yfir helstu upplýsingar varðandi ferðatilhögun, skipulag og fleira. Að mörgu er að hyggja þegar farið er í keppnisferð af þessu tagi en fararstjórn verður í höndum þeirra Brynju Guðjónsdóttur aðalfararstjóra og Kristínar Birnu Ólafsdóttur aðstoðarfararstjóra sem báðar eru sérfræðingar á Afrekssviði ÍSÍ og búa yfir góðri reynslu af verkefnum sem þessu.