Beint á efnisyfirlit síðunnar

Á döfinni

26.07.2024 - 28.11.2019

París 2024

Ólympíuleikarnir fara fram í París í...
20.09.2024 - 21.09.2024

Ársþing SKÍ 2024

Ársþing Skíðasambands Íslands verður haldið...
22.10.2026 - 28.11.2019

YOG 2026 - Dakar

Ólympíuleikar ungmenna (YOG) fara fram í...
22

Vinnuhópur EOC um dagskrá og fyrirkomulag ársþinga sambandsins

30.08.2022

Í síðustu viku hittist í Brussel sjö manna vinnuhópur Evrópusambands Ólympíunefnda (EOC) sem falið var það verkefni að endurskoða dagskrá um fyrirkomulag ársþinga sambandsins, með hliðsjón af árlegri ráðstefnu EOC sem haldin er í tengslum við ársþing EOC sem og ársþingi ANOC. Líney Rut Halldórsdóttir ráðgjafi hjá ÍSÍ á sæti í vinnuhópnum.

Uschi Schmitz, stjórnarkona í EOC og fyrrverandi meðstjórnandi í Ólympíunefnd Þýskalands leiðir hópinn en aðrir meðlimir eru Cedric Van Branteghem framkvæmdastjóri Ólympíunefndar Belgíu, Gerd Kanter formaður Íþróttamannanefndar EOC, Jean Michel Saive forseti Ólympíunefndar Belgíu, Anneke Van Zanen-Nieberg forseti Ólympíunefndar Hollands og Mihai Covaliu foresti Ólympíunendar Rúmeníu. 

Hópurinn ræddi ýmsar tillögur og hugmyndir um hvernig auka má skilvirkni á þingum og fundum EOC og hvernig best er hægt að tryggja að á þingum sé nægur tími til að fjalla ítarlega um stærstu hagsmunamálin hverju sinni. Tillögur og hugmyndir hópsins verða kynntar á næsta stjórnarfundi EOC sem haldinn verður 29. september nk. í Costa Navarion í Grikklandi.

Mynd/EOC.