Sunna Jónsdóttir valin Íþróttamaður Vestmannaeyja
23.02.2022Val á Íþróttamanni Vestmannaeyja 2021 var tilkynnt í gær á árlegu uppskeruhófi Íþróttabandalags Vestmannaeyja (ÍBV), Sunna Jónsdóttir landsliðskona í handknattleik hlaut titilinn.
Sunna var í fimm ár í atvinnumennsku í Svíþjóð og Noregi. Hún kom heim árið 2018 og hefur leikið með ÍBV síðan þá. Sunna hefur verið í mikilvægu hlutverki hjá ÍBV en hún er fyrirliði liðsins. Fyrr í þessum mánuði endurnýjaði hún samning sin við félagið til þriggja ára.
Íþróttafólk æskunnar voru valin þau Andri Erlingsson golfari, handknattleiks- og knattspyrnumaður fyrir yngri hóp og Elísa Elíasdóttir handknattleikskona fyrir þann eldri.
Lista yfir aðrar viðurkenningar má sjá hér að neðan:
2022 silfur merki ÍBV:
Davíð Þór Óskarsson
Jóhanna Alfreðsdóttir
Jónas Guðbjörn Jónsson
Salóme Ýr Rúnarsdóttir
2022 gull merki ÍBV:
Bergljót Blöndal
Magnús Sigurðsson
Ólafur Týr Guðjónsson
2022 Heiðurskross ÍBV úr gulli æðsta heiðursviðurkenning Íþróttabandalags Vm.
Jóhann Jónsson
2022 sérstök viðurkenning
Stefán Jónsson
Mynd: mbl.is / Sigfús Gunnar