Beint á efnisyfirlit síðunnar

Á döfinni

03.02.2021 - 16.02.2021

Lífshlaupið 2021

Lífshlaupið 2021 verður ræst þann 3. febrúar...
18

Fundur ÍSÍ með fulltrúum sérsambanda vegna Covid-19

11.03.2020

Í dag fór fram fundur ÍSÍ með fulltrúum sérsambanda ÍSÍ vegna Covid-19. ÍSÍ ráðleggur áfram sérsamböndum að fara að tilmælum Embættis landlæknis varðandi hreinlæti og almennar fyrirbyggjandi aðgerðir gegn Covid-19.

Á blaðamannafundi Almannavarna vegna Covid-19, sem hófst kl.14:00 í dag, tók Víðir Reynisson fram að fundað verði áfram með íþróttahreyfingunni. Ekki yrðu gefin út ráð um að hætta íþróttastarfsemi. Mjög mikilvægt fyrir börn og unglinga að hreyfa sig. Og fólk að lifa lífinu. Slíkt starf þurfi að halda áfram eins lengi og hægt er.

Fulltrúar ÍSÍ og sérsambanda ÍSÍ hafa komið sér upp samráðsvettvangi sem mun funda reglulega og fylgjast með framvindu mála. Einnig er fyrirhugað að funda með fulltrúum almannavarna með reglubundnum hætti.

Sóttvarnalæknir og almannavarnir upplýsa almenning jafnóðum um þróun mála en þessir aðilar hafa yfirumsjón með viðbrögðum vegna veirunnar.

 

Myndir með frétt