Laugardaginn 19. október næstkomandi heldur Íþróttasamband fatlaðra (ÍF) Paralympic-daginn. Dagurinn er stór og skemmtilegur kynningardagur á íþróttum fatlaðra á Íslandi og fer fram í Frjálsíþróttahöllinni í Laugardal frá kl. 13-16. Gestum gefst færi á að kynna sér starfsemi aðildarfélaga Íþróttasambands fatlaðra og þá starfsemi sem þau hafa upp á að bjóða. ÍSÍ hvetur fólk til að líta við í Laugardal og sjá hvaða íþróttir standa fötluðum til boða í landinu. 

Íþróttafréttamaðurinn Haukur Harðarson stýrir deginum af sinni einskæru snilld. ÍF hvetur gesti til að skora Hauk á hólm í boccia, borðtennis, hjólastólakörfu, lyftingum, blindrafótbolta, spretthlaupi og fleiru.

Vefsíða Íþróttasambands fatlaðra.

Facebook síða Íþróttasambands fatlaðra.