Þann 2. desember sl. var tilkynnt um kjör Íþróttamanns Þróttar Neskaupsstað fyrir árið 2018. Fimm voru tilnefnd: Ana Maria Vidal Bouza fyrir blak, Geir Sigurpáll Hlöðversson fyrir karate, Jóhanna Lind Stefánsdóttir fyrir knattspyrnu, Andri Gunnar Axelsson fyrir skíði og Hlynur Karlsson fyrir sund.

Fyrir valinu varð Ana Maria Vidal Bouza. Hún átti frábært tímabil í fyrra og var ein af driffjöðrunum í frábæru gengi kvennaliðsins þegar þær urðu þrefaldir meistarar. Sem uppspilari liðsins stýrði hún liðinu vel. Hún var m.a valin MVP í bikarúrslitum og besti leikmaður Mizuno deildarinnar.

ÍSÍ óskar Ana Maria Vidal Bouza til hamingju með árangurinn.