Beint á efnisyfirlit síðunnar

Á döfinni

29

Sundsamband Íslands hlýtur styrk úr Afrekssjóði ÍSÍ

01.11.2018

Afrekssjóður ÍSÍ tók upp nýtt fyrirkomulag á árinu og hafa fjölmörg sérsambönd hlotið styrki úr sjóðnum.

Nýverið var gengið frá samningi Sundsambands Íslands og Afrekssjóðs ÍSÍ vegna styrkveitinga ársins.  

Sundsamband Íslands (SSÍ) flokkast sem A/Afrekssérsamband samkvæmt flokkun Afrekssjóðs ÍSÍ fyrir árið 2018. Heildarstyrkveiting sjóðsins til SSÍ vegna verkefna ársins er 27.850.000 kr. og er hækkun á styrkupphæð frá síðasta ári þar sem verkefni SSÍ hlutu styrk að upphæð 21.550.000 kr.  

Ýmsar breytingar eiga sér stað á afreksstarfi SSÍ og á sama tíma eiga sér ákveðin kynslóðaskipti. Nýir verkefnastjórar landsliða hafa komið til starfa og aukin áhersla hefur verið lögð á mælingar og aðrar greiningar sem hjálpa bæði sundmönnum og þjálfurum þeirra að bæta árangur sinn. SSÍ sendir árlega keppendur á fjölmörg alþjóðleg mót og EM og HM verkefni eru meðal þess sem er á dagskrá á árinu.  

Það voru þeir Hörður Oddfríðarson, formaður SSÍ og Ingibjörg H. Arnardóttir, framkvæmdastjóri SSÍ sem undirrituðu samninginn fyrir hönd SSÍ og þau Líney Rut Halldórsdóttir, framkvæmdastjóri ÍSÍ og Andri Stefánsson, sviðsstjóri Afreks- og Ólympíusviðs ÍSÍ fyrir hönd Afrekssjóðs ÍSÍ.