Beint á efnisyfirlit síðunnar

Á döfinni

26.07.2024 - 28.11.2019

París 2024

Ólympíuleikarnir fara fram í París í...
20.09.2024 - 21.09.2024

Ársþing SKÍ 2024

Ársþing Skíðasambands Íslands verður haldið...
22.10.2026 - 28.11.2019

YOG 2026 - Dakar

Ólympíuleikar ungmenna (YOG) fara fram í...
21.07.2028 - 28.11.2019

LA 2028

Ólympíuleikarnir fara fram í Los Angeles 21...
12

Heimsókn forseta ÍSÍ til UDN

02.10.2017

Forseti ÍSÍ, Lárus L. Blöndal, heimsótti starfssvæði Ungmennasambands Dalamanna og N-Breiðfirðinga (UDN) þriðjudaginn 26. september sl. ásamt Sigríði Jónsdóttur varaforseta ÍSÍ, Hafsteini Pálssyni ritara ÍSÍ, Líneyju Rut Halldórsdóttur framkvæmdastjóra og Höllu Kjartansdóttur skrifstofustjóra. Þau áttu góðan og gagnlegan fund með fulltrúum sambandsins og sveitarfélagsins í Stjórnsýsluhúsi Dalabyggðar, ásamt því að skoða mannvirkin í Búðardal og á Laugum í Sælingsdal. Heiðrún Sandra Grettisdóttir formaður UDN, Jóhanna Árnadóttir úr stjórn UDN og Svana Hrönn Jóhannsdóttir framkvæmdastjóri UDN fylgdu hópnum í skoðunarferð þar sem kíkt var í Dalabúð, á knattspyrnu- og frjálsíþróttavöll, sparkvöll, strandblaksvöll og reiðsvæði. Heiðrún Sandra fylgdi svo hópnum yfir í Lauga í Sælingsdal en þar er bæði íþróttahús og sundlaug. Laugar í Sælingsdal eru nú í söluferli og óvíst um áframhaldandi nýtingu íþróttamannvirkjanna þar í þágu sveitarfélagsins.

Hópurinn frá ÍSÍ átti góðan tíma í Búðardal og þakkar öllum sem komu að heimsókninni á einn eða annan hátt fyrir góða viðkynningu og veitta aðstoð. Fleiri myndir frá ferðinni er hægt að finna á myndasíðu ÍSÍ hér á heimasíðunni eða með því að smella hér.

Myndir með frétt