Ljósmyndasamkeppnin Run for Art er ætluð ungum evrópskum borgurum á aldrinum 18 til 35 ára. Viðburðurinn var fyrst settur á fót á síðasta ári á Ítalíu og heppnaðist með eindæmum vel. Samtökin Giulio Onesti Foundation skipuleggja viðburðinn með stuðningi ítölsku ólympíunefndarinnar og Alþjóðaólympíunefndarinnar.

Keppnin snýst um að túlka sambandið á milli lista og íþrótta með ljósmyndun. Þema keppninnar í ár er „fjölbreytni“.

Senda má ljósmyndir í keppnina á vefsíðunni www.runforart.com, en keppnin stendur yfir til 31. júlí nk.