Vorfjarnámi ÍSÍ í þjálfaramenntun 1. og 2. stigs er nú lokið.  Um 30 nemendur luku námi á stigunum í það heila og koma þeir frá um 16 íþróttagreinum og eru búsettir víða um land.  Nemendur 1. stigs fá send þjálfaraskírteini þessu til staðfestingar sem þeir nota svo alltaf hér eftir við frekara nám í almenna eða sérgreinahluta þjálfaramenntunarinnar.  Inn á þetta skírteini fara einnig allar upplýsingar um þjálfunarreynslu, skyndihjálparnámskeið og endurmenntun.  Þjálfarar eru minntir á að taka skírteinið með sér í allt sérgreinanám til að fá staðfsetingu um það inn á skírteinið.

Sumarfjarnám 1. og 2. stigs hefst mánudaginn 29. júní næstkomandi og er skráning á namskeid@isi.is eða í síma 514-4000.  Skráningu lýkur föstudaginn 26. júní.

Allar frekari upplýsingar um sumarfjarnámið og þjálfaramenntun ÍSÍ eru fúslega veittar hjá Viðari Sigurjónssyni á vidar@isi.is og/eða í síma 460-1467/514-4000.