Helga María Vilhjálmsdóttir og Erla Ásgeirsdóttir luku keppni á Vetrarólympíuleikunum í Sochi í gær þegar þær tóku þátt í svigi kvenna. Helga María lenti í 34. sæti og Erla í 36. sæti og geta þær svo sannarlega vel við unað. Aðstæður voru erfiðar í brautinni og mikið brottfall, sérstaklega í fyrri ferðinni en þá féllu 27 keppendur úr leik. 

Sigurvegari í svigkeppninni var Mikaela Shiffrin, 18 ára stúlka frá Bandaríkjunum.