Lyfjaeftirlit Íslands vekur athygli á nýjung í fræðslumálum varðandi lyfjamál í íþróttum. Nú stendur til boða að skrá sig á netnámskeið á íslensku, þátttakendum að kostnaðarlausu, sem sérsniðið er fyrir ungt og efnilegt íþróttafólk, 16 ára og eldri.

Nauðsynlegt er að búa til aðgang á ADEL til að nálgast fræðsluefnið.

Námskeiðinu er skipt upp í átta hluta:

• Hreinar íþróttir
• Heimur lyfjaeftirlitsins
• Krefjandi augnablik á ferli íþróttamanns
• Lyf í íþróttum – Bannlistinn
• Matur vs. fæðubótarefni
• Lyfjapróf
• Hugrekki til að segja frá
• Lokakönnun

Nálgast má námskeiðið hér: https://adel.wada-ama.org/learn/learning-plans/177/adel-fyrir-haefileikarikt-ithrottafolk-talicelandic

Á heimasíðu ADEL, sem er á vegum WADA (World Anti-Doping Agency) má finna ýmis önnur námskeið á ensku fyrir mismunandi markhópa, s.s. þjálfara, heilbrigðisstarfsmenn, kennara, foreldra, og allt frá yngstu iðkendum íþrótta upp í Ólympíufara. ADEL er mikilvægur vettvangur fyrir vottaða fræðslu fyrir keppnir á vegum margra alþjóðasérsambanda. ADEL er opið öllum þannig að hverjum þeim sem hefur áhuga er frjálst að skrá sig á mismunandi námskeið, og hægt er að vista framvindu námskeiðs og þannig ljúka þeim þegar hverjum og einum hentar.

Heimasíða ADEL: https://adel.wada-ama.org

Nánari upplýsingar veitir Lyfjaeftirlit Íslands: lyfjaeftirlit@lyfjaeftirlit.is