Göngum í skólann hefst á morgun!
![](/library/Myndir/Almenningsithrottasvid/Logo/Gongum%20i%20skolann%20LOGO%20(1).jpg?proc=400x400)
Göngum í skólann 2024 verður sett hátíðlega miðvikudaginn 4. september í Brekkuskóla á Akureyri. Þetta er í átjánda sinn sem verkefnið er sett hér á landi. Tekur þinn skóli ekki örugglega þátt í ár?
Að setningu lokinni verður verkefnið ræst með viðeigandi hætti þar sem nemendur, starfsfólk og gestir Brekkuskóla munu ganga stuttan hring í nærumhverfi skólans.
Þátttökuskólum í Göngum í skólann, hefur fjölgað jafnt og þétt með árunum. Fyrst þegar verkefnið fór af stað árið 2007 tóku 26 skólar þátt en í fyrra voru samtals 83 skólar skráðir til þátttöku. Það er einfalt að skrá skóla með í verkefnið, það eina sem þarf að gera er að smella hér og fylla inn nokkrar upplýsingar um skólann.
ÍSÍ hvetur alla skóla og nemendur til að taka þátt í Göngum í skólann og/eða nota virkan ferðamáta!