Á þessum degi fyrir 40 árum...
![](/library/Myndir/Frettamyndir/los%20angeles%20bjarni%20fri%c3%b0riksson.jpg?proc=400x400)
Á þessum degi fyrir 40 árum vann Bjarni Friðriksson til bronsverðlauna í júdó á Ólympíuleikunum í Los Angeles 1984.
Á Ólympíuleikunum í Los Angeles þann 9. ágúst árið 1984 keppti Bjarni í -95 kg. flokki. Það voru 24 keppendur í júdó á leikunum. Bjarni sat yfir í fyrstu umferð en sigraði síðan Danann Carsten Jensen í annarri umferð og Bandaríkjamanninn Leo White í þriðju umferð. Þar með komst hann í undanúrslit, en tapaði þeirri glímu á móti Douglas Vieira frá Brasilíu. Hann sigraði síðan Ítalann Yuri Fazi í glímu um bronsverðlaunin. Bjarni var þar með annar Íslendingurinn til þess að vinna til verðlauna á Ólympíuleikum.