A landslið kvenna í knattspyrnu tryggði sér sæti á Evrópumeistaramótinu (EM) sem fram mun fara í Sviss sumarið 2025 þegar það lagði þýska landsliðið 3-0, í stórleik á Laugardalsvellinum þann 12. júlí sl. Nokkrum dögum síðar spiluðu þær við Pólland og unnu góðan sigur, 1-0, og enduðu þar með í öðru sæti í riðlinum á eftir Þýskalandi. Pólland og Austurríki voru einnig með þeim í riðli.

Það er virkilega ánægjulegt að íslenska kvennalandsliðið hafi tryggt sér sæti á EM á svona sannfærandi hátt og óskar ÍSÍ leikmönnum, þjálfurum og öðrum í teymi íslenska liðsins til hamingju með árangurinn og góðs gengis á mótinu og í þeim verkefnum sem framundan eru hjá liðinu.