Laugardaginn 11. nóvember síðastliðinn fór fram ársþing Golfsambands Íslands á Grand hótel Reykjavík.  Hörður Þorsteinsson, gjaldkeri í framkvæmdastjórn ÍSÍ, var fulltrúi ÍSÍ.  

Á þinginu fór fram kosning til stjórnar og var Hulda Bjarnadóttir, sjálfkjörin sem formaður til næstu tveggja ára, þar sem ekkert mótframboð kom.  Hörður Geirsson, varaforseti GSÍ og Viktor Elvar Viktorsson, formaður mótanefndar GSÍ gáfu ekki kost á sér til endurkjörs en Ólafur Arinbjörn Sigurðsson og Elín Hrönn Ólafsdóttir komu inn í stjórn GSÍ í þeirra stað.

Rekstur golfsambandsins gekk vel á síðasta rekstrarári þar sem rekstrartekjur námu um 226 milljónum króna.  Rekstrargjöld voru einnig um 226 milljónir en hægt er að sjá ársreikninginn hér.  

Ný stjórn GSÍ til næstu tveggja ára, er skipuð eftirtöldum aðilum:
Birgir Leifur Hafþórsson, Elín Hrönn Ólafsdóttir, Hansína Þorkelsdóttir, Hjördís Björnsdóttir, Jón B. Stefánsson, Jón Steindór Árnason, Karen Sævarsdóttir, Ólafur Arinbjörn Sigurðsson, Ólafur Arnarson og Ragnar Baldursson.