Snorri Einarsson stóð sig vel í 15 kílómetra skíðagöngu á Vetrarólympíuleikunum í Beijing í morgun. Hann var ellefti í rásröðinni og hafnaði í 36. sæti af 99 keppendum.
RÚV náði tali af honum að lokinni keppni og sagði hann þar:

„Ég er níutíu prósent ánægður með daginn en þetta var ekki alveg fullkomið, en það eru nú ekki allar keppnir svoleiðis.“

Hann sagði brautina erfiða og strembið að finna hraðann til að vera á, en var samt sem áður nokkuð sáttur við frammistöðuna og er spenntur fyrir næstu grein.

Næst keppir Snorri á miðvikudaginn með Isak Stianson Pedersen í liðakeppni í spretti.

Viðtalið við Snorra er hér.

Mynd: Anoc Olympic / Will Lucas / Inovafoto