Haukur Valtýsson fráfarandi formaður UMFÍ var sæmdur Gullmerki ÍSÍ á 52. Sambandsþingi UMFÍ sem fram fór á Húsavík 15.-17. október. 
Hafsteinn Pálsson 2. varaforseti ÍSÍ afhenti Hauki heiðursviðurkenninguna en hann og Andri Stefánsson, starfandi framkvæmdastjóri ÍSÍ, voru viðstaddir setningu þingsins.  

Haukur gaf ekki áfram kost á sér í embætti formanns UMFÍ en hann hefur gegnt embættinu frá árinu 2015. Áður gegndi hann embætti varaformanns UMFÍ í fjögur ár. Haukur var fyrr á árum bæði varaformaður og formaður Umf. Akureyrar, sat lengi í stjórn Íþróttabandalags Akureyrar og var einnig varaformaður ÍBA um árabil.

ÍSÍ þakkar Hauki kærlega fyrir samstarfið og óskar honum velfarnaðar í starfi og leik.

Mynd: UMFÍ