75. Íþróttaþing ÍSÍ verður haldið sem fjarþing frá Íþróttamiðstöðinni í Laugardal 7. maí nk. Á þinginu verður kosið um forseta ÍSÍ til næstu fjögurra ára sem og sjö meðstjórnendur til fjögurra ára.

Skilafrestur framboða í ofangreind embætti rann út föstudaginn 16. apríl sl. Til að framboð teljist löglegt skal eitt ólympískt sérsamband og eitt héraðssamband/íþróttabandalag hafa lýst yfir stuðningi við framboðið. Kjörnefnd, sem kosin var á 74. Íþróttaþingi ÍSÍ 2019, hefur komið saman og úrskurðað öll innsend framboð gild.  

Til embættis forseta ÍSÍ barst eitt framboð, þ.e. frá Lárusi L. Blöndal forseta ÍSÍ sem gefur kost á sér til endurkjörs.

Í sjö sæti meðstjórnenda bárust 11 framboð. Frambjóðendur eru eftirfarandi (í stafrófsröð):

Arnar Guðjónsson
Garðar Svansson
Guðmunda Ólafsdóttir
Haukur Þór Haraldsson
Hildur Karen Aðalsteinsdóttir
Hörður Oddfríðarson
Hörður Þorsteinsson
Úlfur H. Hróbjartsson
Valdimar Leó Friðriksson
Viðar Garðarsson
Þórey Edda Elísdóttir