Guðlaug Edda nælir í dýrmæt Ólympíustig
![](/library/Myndir/Afreks--og-olympiusvid/ithrottafolk-forsida/Gu%c3%b0laug.jpg?proc=400x400)
Guðlaug Edda Hannesdóttir, þríþrautarmeistari, stefnir á að taka þátt í ólympískri þríþraut á Ólympíuleikunum í Tókýó 2020. Í ólympískri þríþraut eru syntir 1500 metrar, 40 kílómetrar hjólaðir og 10 kílómetrar hlaupnir.
Guðlaug Edda hefur keppt í flokki atvinnumanna í heimsbikarkeppni Alþjóða þríþrautarsambandins frá árinu 2016. Hún náði mjög góðum árangri árið 2019 og hefur staðið sig vel það sem af er ári. Hún náði dýrmætum stigum á heimslista um síðastliðna helgi þegar hún náði 24. sæti á heimsbikarmóti í Ástralíu. Fyrir keppnina var hún skráð númer 35 af 56 keppendum.
Guðlaug Edda tók fyrir Instagram síðu ÍSÍ fyrir stuttu og hægt er að fylgjast með degi í hennar lífi í highlights á Instagrami ÍSÍ hér @isiiceland.
Hægt er að fylgjast með Guðlaugu Eddu á Instagram síðu hennar hér @eddahannesdóttir