Metskráning á Íslandsmót í bogfimi
.jpg)
03.02.2020Nýtt sérsamband, Bogfimisambands Íslands (BFSÍ), var stofnað þann 1. desember sl. Bogfimi, sem er ólympísk íþróttagrein, hefur vaxið hratt á landsvísu undanfarin ár og er nú stunduð í tíu íþróttafélögum innan vébanda níu íþróttahéraða.
Dagana 15. og 16. febrúar fer fram Íslandsmót ungmenna og öldunga í bogfimi í Bogfimisetrinu og er met skráning í mótið, en 80 manns hafa skráð sig til leiks. 13 skráningar bárust frá Færeyjum í alþjóðlega hluta mótsins. Til samanburðar bárust samtals 40 skráningar í mótið árið 2018 og 49 skráningar 2019. Bogfimisambandið heldur úti youtube stöð, archery tv iceland, þar sem hægt verður að fylgjast með úrslitum í flestum aldurs- og bogaflokkum.
Nánari upplýsingar um bogfimi á Íslandi má nálgast á vefsíðunum www.bogfimi.is og www.archery.is.