Íþrótttabandalag Akureyrar fékk viðurkenningu frá ÍSÍ sem Fyrirmyndarhérað ÍSÍ á jólaformannafundi bandalagsins fimmtudaginn 5. desember síðastliðinn. ÍBA er fjórða íþróttahéraðið sem hlýtur þessa viðurkenningu frá ÍSÍ.

Það var Líney Rut Halldórsdóttir framkvæmdastjóri ÍSÍ sem afhenti Geir Kristni Aðalsteinssyni formanni ÍBA viðurkenninguna. ÍBA á 75 ára afmæli á þessu ári og afhenti Líney Geir Kristni afmælisgjöf frá ÍSÍ af því tilefni. Öll aðildarfélög ÍBA stefna að því að verða Fyrirmyndarfélög ÍSÍ í kjölfarið en mörg þeirra eru það nú þegar.