Viðurkenningar vegna Drangeyjarsunds
![](/library/Myndir/Frettamyndir/SSI2.jpg?proc=400x400)
Uppskeruhátíð Sundsambands Íslands fór fram um síðastliðna helgi. Þar afhenti ÍSÍ viðurkenningar til Sigrúnar Þuríðar Geirsdóttur og Hörpu Hrundar Berndsen, sem báðar náðu því afreki að synda Drangeyjarsund á árinu 2017. Þær fá nöfn sín einnig letruð á Drangeyjarbikarinn, sem gefinn var af ÍSÍ og geymdur er í höfuðstöðvum ÍSÍ í Íþróttamiðstöðinni í Laugardal. Drangeyjarsund felst í því að synda um 7 kílómetra leið frá Drangey að Reykjanesi á Reykjaströnd án þess að klæða kuldann af sér, en sjórinn á þessum slóðum er frekar kaldur. Sigrún Þuríður er fimmta konan til að synda Drangeyjarsund en hún synti á tímanum 3 klst. og 29 mín og Harpa Hrund er sjötta konan, en hún synti á 4 klst. og 15 mín.
Þráinn Hafsteinsson, formaður fagráðs Þróunar- og fræðslusviðs ÍSÍ, afhenti viðurkenningarnar fyrir hönd ÍSÍ. Á myndinni eru verðlaunahafarnir ásamt Þráni Hafsteinssyni og Herði Oddfríðarsyni formanni Sundsambands Íslands. ÍSÍ óskar Sigrúnu Þuríði og Hörpu Hrund til hamingju með afrekin.