Keppni á Smáþjóðal­eik­un­um 2017 í San Marínó lauk í dag. Lokahátíðin fór fram í kvöld og Hrafn­hild­ur Lúth­ers­dótt­ir var fána­beri fyrir hönd Íslands.

Loka­hátíðin var nokkuð á eftir áætlun þar sem keppni í blaki dróst á langinn auk þess sem margt íþróttafólk var í lyfjaprófi langt fram eftir. Lokahátíðin fór fram við hlið frjálsíþróttavallarins, en þar voru langborð með veitingum fyrir mörg hundruð manns. 

Ísland hafnaði í 3. sæti á verðlaunatöflunni með 60 verðlaun, þar af 27 gullverðlaun. Lúx­em­borg trónir á toppi töflunnar með 97 verðlaun, þarf af 37 gull. Kýp­ur var í 2. sæti með 83 verðlaun, þar af 30 gull.

Íslenskir þátttakendur fara heim í nótt og á morgun.

Næstu Smáþjóðaleikar fara fram í Svartfjallalandi árið 2019.