Á ársþingi Körfuknattleikssambands Íslands 22. apríl sl. voru þrír einstaklingar sæmdir heiðursviðurkenningu frá ÍSÍ fyrir þeirra góðu störf í þágu körfuknattleiksíþróttarinnar.
Eyjólfur Þór Guðlaugsson stjórnarmaður KKÍ var sæmdur Gullmerki ÍSÍ. Eyjólfur Þór hefur setið um árabil í stjórn sambandsins og sem gjaldkeri þess frá árinu 2004.
Þau Rúnar Birgir Gíslason og Bryndís Gunnlaugsdóttir voru sæmd Silfurmerki ÍSÍ. Rúnar Birgir hefur setið í stjórn frá árinu 2011 og er einnig formaður dómaranefndar KKÍ. Bryndís hefur setið í stjórn KKÍ frá árinu 2009 en hún gekk úr stjórn á nýafstöðnu þingi sambandsins. 

Hafsteinn Pálsson úr framkvæmdastjórn ÍSÍ og formaður Heiðursráðs ÍSÍ afhenti merkjahöfum heiðursmerkin.