Á héraðsþingi HSK sem haldið var á Hótel Örk í Hveragerði sl. laugardag var Guðríður Aadnegard, formaður HSK, sæmd gullmerki ÍSÍ fyrir góð störf í þágu íþróttahreyfingarinnar. Silfurmerki ÍSÍ hlutu Baldur Gauti Tryggvason Umf. Þjótanda og Rut Stefánsdóttir Hestamannafélaginu Sleipni. Hafsteinn Pálsson úr framkvæmdastjórn ÍSÍ, sem einnig er formaður Heiðursráðs ÍSÍ, afhenti viðurkenningarnar.