12.08.2016Eygló Ósk Gústafsdóttir synti sig inn í úrslit 200 metra baksunds í undanúrslitum í kvöld þar sem hún náði sjöunda besta tímanum 2:08,84. Er það bæting á hennar besta árangri og um leið Íslands- og Norðurlandamet í greininni. Úrslitin fara fram kl. 22:03 á föstudagskvöldi að staðartíma (laust eftir kl. 1 aðfaranótt laugardags að íslenskum tíma). Á myndinni sem fylgir má sjá Eygló á fullri ferð í undanúrslitunum.