Þær Aníta Hinriksdóttir og Ásdís Hjálmsdóttir voru viðstaddar setningarathöfn Ólympíuleikanna í Ríó s.l. föstudagskvöld. Í beinu framhaldi héldu þær ásamt þjálfurum sínum þeim Gunnari Páli Jóakimssyni og Terry Mchuch í æfingabúðir í bæinn Penedo sem er í um 200 kílómetra fjarlægð frá Ríó. Þar æfir hópurinn í góðum aðstæðum. Æfingabúðirnar eru skipulagðar af finnsku ólympíunefndinni og eru þeirra íþróttamenn við æfingar á sama stað. Mjög vel hefur verið tekið á mótið hópnum bæði af heimamönnum sem og finnska hópnum. Á næstu dögum munu Hafrún Kristjánsdóttir sálfræðingur og Róbert Magnússon sjúkraþjálfari bætast í hópinn þeim til aðstoðar.

Meðfylgjandi eru nokkrar myndir frá Penedo.