Líney Rut Halldórsdóttir, framkvæmdastjóri ÍSÍ, er stödd í Ríó þessa dagana með flottum hópi íslenskra þátttakenda. Heyra má viðtal við Líneyju í þættinum Sumarmál á Rás 1, en þátttastjórnendur hringdu í Líneyju til Ríó í gær til þess að heyra í henni hljóðið og fá svör við hinum ýmsu spurningum um Ólympíuleikana 2016. Viðtalið hefst á 9. mínútu og er afar skemmtilegt og forvitnilegt.

Á myndunum má annars vegar sjá Líneyju Rut ásamt Andra Stefánssyni sviðsstjóra Afreks- og Ólympíusviðs ÍSÍ og aðalfararstjóra íslenska hópsins og hins vegar íslenska hópinn á mótttökuhátíð í Ólympíuþorpinu sem fram fór þann 4. ágúst.