Ólöf María Íþróttamaður UMSE 2015
![](/library/Myndir/Frettamyndir/12401023_1061642603886794_670647963047047133_n.jpg?proc=400x400)
Kjöri Íþróttamanns UMSE 2015 var lýst í Laugaborg í Eyjafjarðarsveit 14. janúar síðastliðinn. Ólöf María Einarsdóttir kylfingur var kjörin og er þetta í annað árið í röð sem hún hlýtur titilinn. Ólöf María kemur úr Golfklúbbnum Hamri á Dalvík og varð meðal annars tvöfaldur Íslandsmeistari í golfi í sínum aldursflokki. Hún er í afrekshópi Golfsambands Íslands.
Alls voru veittar viðurkenningar til yfir 30 íþróttamanna UMSE fyrir árangur á árinu 2015. Frekari umfjöllun, myndir og yfirlit yfir allar tilnefningar UMSE er að finna á heimasíðu UMSE, www.umse.is eða á Fésbókarsíðu sambandsins,
Íþrótta- og Ólympíusamband Íslands óskar Ólöfu Maríu innilega til hamingju með titilinn.