Nýr formaður kjörinn í MSÍ
24.11.2015Ársþing Mótorhjóla- og snjósleðaíþróttasambands Íslands (MSÍ) fór fram 21. nóvember sl. í húsnæði ÍSÍ í Laugardal. Eftir níu ára setu sem formaður sambandsins steig Karl Gunnlaugsson til hliðar og var Hrafnkell Sigtryggsson einróma kosinn nýr formaður MSÍ. Voru Karli færðar þakkir fyrir vel unnin störf í embætti formanns.Ný aðalstjórn MSÍ var kosin og bættust Bjarki Sigurðsson og Baldvin Gunnarsson í stjórnina en auk þeirra sitja í stjórn þeir Jón Bjarni Jónsson og Guðbjartur Stefánsson. Í varastjórn voru kosnir þeir Unnar Már Magnússon, Karl Gunnlaugsson og Björk Erlingsdóttir.