Á ársþingi KSÍ í Hofi á Akureyri um síðastliðna helgi var Lúðvík Georgsson sæmdur Heiðurskrossi ÍSÍ fyrir frábær störf í þágu íþróttahreyfingarinnar. Það var Hafsteinn Pálsson, formaður Heiðursráðs ÍSÍ, sem sæmdi Lúðvík krossinum.

Lúðvík hefur verið ötull liðsmaður knattspyrnuhreyfingarinnar í áratugi.  Hann tók sæti í stjórn KSÍ árið 1996 en gaf ekki kost að sér til endurkjörs að þessu sinni.