Ársþing Knattspyrnusambands Íslands var haldið í Hofi á Akureyri 15. febrúar sl.  Kosið var um fjögur sæti í aðalstjórn KSÍ og hlutu kosningu þau Gísli Gíslason Akranesi, Jóhannes Ólafsson Vestmannaeyjum, Ragnhildur Skúladóttir Reykjavík og Rúnar Arnarson Reykjanesbæ.   Auk þeirra sitja í aðalstjórn (tveggja ára kjörtímabili þeirra lýkur í febrúar 2015) þau Gylfi Þór Orrason, varaformaður Reykjavík, Guðrún Inga Sívertsen, gjaldkeri Reykjavík, Róbert Agnarsson Reykjavík og Vignir Már Þormóðsson Akureyri.

Varamenn í aðalstjórn voru kosnir Ingvar Guðjónsson Grindavík, Jóhann Króknes Torfason Ísafirði og Þórarinn Gunnarsson Reykjavík.

Aðalfulltrúar landsfjórðunga voru kosnir Jakob Skúlason Vesturlandi, Björn Friðþjófsson Norðurlandi, Valdemar Einarsson Austurlandi og Tómas Þóroddsson Suðurlandi.

Nokkrar reglugerðarbreytingar voru samþykktar ásamt tillögum um ýmis hagsmunamál.  Ein breyting var gerð á lögum sambandsins, til samræmis við lög ÍSÍ.  Nánar má lesa um samþykktir þingsins á heimasíðu KSÍ eða með því að smella á eftirfarandi slóð: http://www.ksi.is/um-ksi/arsthing/nr/11584

Fulltrúi ÍSÍ á þinginu var Hafsteinn Pálsson úr framkvæmdastjórn ÍSÍ.