06.01.2014Íþróttamaður Ungmennasambands V-Húnvetninga 2013 var kjörinn Ísólfur Líndal Þórisson hestaíþróttamaður hjá Hestamannafélaginu Þyt. Ísólfur hefur skipað sér í raðir fremstu hestamanna landsins á undanförnum árum og var hann sigursæll á árinu 2013.  Hann hlaut m.a. titilinn Gæðingaknapi ársins 2013 á uppskeruhátíð Landssambands hestamannafélaga.  Í öðru sæti um kjör um Íþróttamann USVH 2013 varð Salbjörg Ragna Sævarsdóttir körfuknattleikskona og í þriðja sæti Guðrún Gróa Þorsteinsdóttir körfuknattleikskona.