Hestamannafélagið Snæfellingur var stofnað á Vegamótum 2. desember 1963 og fagnaði félagið 50 ára afmælinu á stofnstað félagsins á sjálfan afmælisdaginn. Í tilefni þessara tímamóta voru tveir heiðursmenn úr félaginu sæmdir Gullmerki ÍSÍ fyrir góð störf í þágu hestaíþrótta. Það voru þeir Leifur Kr. Jóhannesson sem átti frumkvæði að stofnun félagsins og Högni Bæringsson fyrrverandi gjaldkeri félagsins. Garðar Svansson úr framkvæmdastjórn ÍSÍ afhenti Högna og Leifi viðurkenningarnar og var meðfylgjandi mynd tekin við það tækifæri. Þétt var setið á Vegamótum en rúmlega 60 manns mættu í afmælisveisluna. 

Á myndinni eru frá vinstri, Garðar Svansson úr framkvæmdastjórn ÍSÍ, Högni Bæringsson og Leifur Kr. Jóhannesson.