Lárus Páll endurkjörinn formaður LSÍ
26.11.2013Ársþing Lyftingasambands Íslands var haldið laugardaginn 23. nóvember sl. Um var að ræða afmælisþing sambandsins, sem fagnaði 40 ára afmæli á árinu. Illugi Gunnarsson, mennta- og menningarmálaráðherra var gestur þingsins og ávarpaði þingfulltrúa og gesti við þingsetningu. Lárus Páll Pálsson var endurkjörinn formaður sambandsins en aðrir í stjórn voru kjörin Sigmundur Davíðsson, Árni Björn Kristjánsson, Elísabet Sóley Stefánsdóttir og Ásgeir Bjarnason. Í varastjórn voru kjörnir Andri Gunnarsson, Arnar Þór Tulinius, Bjarki Guðmundsson og Ingi Gunnar Ólafsson.
Í upphafi þings kynnti kínverskur lyftingaþjálfari, Ma Jian Ping, stuttlega hvernig staðið er að vali íþróttafólks í landslið Kína í lyftingum og hvernig íþróttafólk er undirbúið undir keppni á stórmótum.
Sundurliðanir og skýringar með ársreikningum þóttu ekki nægilega upplýsandi og var ársreikningi sambandsins vísað til aukaþings, sem boðað verður til eins fljótt og unnt er.
Sigríður Jónsdóttir, ritari framkvæmdastjórnar ÍSÍ, var fulltrúi ÍSÍ á þinginu ásamt því að sinna starfi þingforseta.