Vetrarólympíuleikar - Sochi 2014
06.09.2013Þann 6. febrúar 2014 hefst keppni á Vetrarólympíuleikunum í Sochi í Rússlandi, en forkeppni á snjóbrettum (slopestyle) hefst þá á Rosa Khutor Extreme Park svæðinu.
Setningarhátíð leikanna fer fram degi síðar, þann 7. febrúar á Fisht Olympic Stadium, sem er glæsilegur íþróttaleikvangur á miðju Ólympíusvæðinu við Svartahafið.
Á heimasíðu ÍSÍ má nú finna upplýsingar um keppnisdaga í þeim greinum sem líklegt þykir að Ísland eigi keppendur í á leikunum. Myndir af Ólympíuhópnum og ýmsar aðar upplýsingar má einnig finna á síðunni. Hægt er að komast á Sochi 2014 svæði ÍSÍ hér.
Á heimasíðu leikanna má finna mjög ítarlegar upplýsingar um Vetrarólympíuleika á næsta ári sem og Vetrarólympíumót fatlaðra sem fer fram strax í kjölfarið.