89. ársþing UMSK var haldið í Félagsheimili Seltjarnarness 28. febrúar sl. Fulltrúar frá 21 aðildarfélagi mættu á þingið en aðildarfélög UMSK eru samtals 43.  Innganga fjögurra nýrra félaga var staðfest á þinginu en það eru Knattspyrnufélagið Stígandi, Knatspyrnufélagið Vatnaliljur, Bogfimifélagið Boginn og Hestamannafélagið Sprettur.

Valdimar Leó Friðriksson var endurkjörinn formaður sambandsins en aðrir í stjórn UMSK eru Ester Jónsdóttir Breiðabliki, Albert Valdimarsson  HK, Margrét Björnsdóttir Ými, Magnús Gíslason HK, Alda Helgadóttir Stjörnunni, Guðmundur Sigurbergsson Breiðabliki og Helga Jóhannesdóttir Aftureldingu.  Í lok þings færði Valdimar Leó formaður UMSK Svani M Gestssyni blómvönd en Svanur hætti nú í stjórn sambandsins eftir 25 ára starf. Hann sat í stjórn UMSK frá árinu 1987 og þar af sem formaður í sjö ár.

Ólafur Rafnsson forseti ÍSÍ afhenti Margréti Björnsdóttur ritara UMSK Gullmerki ÍSÍ fyrir langt og óeigingjarnt starf fyrir hreyfinguna.  Aðrir fulltrúar ÍSÍ á þinginu voru Gunnar Bragason, Hafsteinn Pálsson og Garðar Svansson.

Formaður UMSK færði Svani M Gestssyni blómvönd en Svanur hættir í stjórn UMSK eftir 25 ára starf. Svanur hefur verið í stjórn UMSK frá 1987 og þar af sem formaður í sjö ár.