Erna Sóley fánaberi Íslands á lokahátíð Ólympíuleikanna
![](/library/Myndir/Afreks--og-olympiusvid/ithrottafolk-forsida/olympiuhopur-Paris-2024/Erna-hreyfing-minni%202.jpg?proc=400x400)
Í dag, sunnudaginn 11. ágúst, er komið að síðasta degi Ólympíuleikanna í París. Keppnin í ár hefur verið einstaklega skemmtileg og fjölbreytt og svo sannarlega hægt að segja eitthvað hafi verið í boði fyrir alla í þessari sannkölluðu íþróttaveislu.
Í kvöld verður Stade de France breytt í risastóran tónleikasal þegar lokahátíðin verður haldin og Ólympíuleikunum lokið á viðeigandi. Ásamt hefðbundnum athöfnum eins og fánum þjóðanna, skrúðgöngu íþróttamanna inn á leikvanginn og afhendingu Ólympíufánans til skipuleggjenda Los Angeles, sem munu hýsa Ólympíuleikana 2028, þá er von á mikilli sýningu í formi tónlistar, dansa og annarra atriða, sem verður mikil upplifun fyrir keppendur og áhorfendur.
Fyrir hönd Íslands mun Erna Sóley Gunnarsdóttir, kúluvarpari, taka þátt í lokahátíðinni og vera fánaberi.