Framkvæmdastjórn ÍSÍ samþykkti á fundi sínum í gær, 3. mars, tillögur fjármálaráðs ÍSÍ um úthlutun ríkisstyrks til sérsambanda ÍSÍ sbr. hér neðar.  Framlag á fjárlögum 2022 er 99,0 m.kr. sem er tveggja milljón króna hækkun frá árinu 2021.  Áhersla með styrknum er sem fyrr að vinna að því grundvallaráhersluatriði sem sett var í upphafi að hvert sérsamband fengi til framtíðar framlag til að standa undir nauðsynlegri þjónustu við sambandsaðila með rekstri eigin skrifstofu.  Styrkirnir eru  greiddir út í þrennu lagi.  Fyrsta greiðsla 30. mars n.k., önnur greiðsla 30. júlí n.k. og lokagreiðsla 30. nóvember.  Lokagreiðslan er háð skilum á fjárhagslegu uppgjöri og greinargerð um nýtingu styrksins.