Júlían J. K Jóhannsson kraftlyftingamaður hefur fengið boð um keppa á Heimsleikunum (World Games) í Alabama næsta sumar.
Heimsleikarnir eru haldnir árið eftir Ólympíuleikana og eru fjölgreinamót þar sem keppt er í greinum sem eru ekki ólympíugreinar. Keppendur verða hugsanlega um 3.500, en keppt er í 34 greinum.
Að mati Júlíans þá átti hann kannski ekki sitt besta mót á HM fyrr í mánuðinum og var hann því í vafa um að hann fengi boð um keppni á Heimsleikunum. Nú þegar það er komið í hús þá ætlar hann að setja allt á fullt við að undirbúa sig fyrir leikana.
ÍSÍ óskar Júlían góðs gengis.

Mynd: kraft.is