Ársþing Íshokkísambands Íslands fór fram í formi fjarþings 15. maí síðastliðinn. Þingforseti var Árni Geir Jónsson og þingritarar Eggert Steinsen og Konráð Gylfason. 

Þórhallur Viðarsson gaf ekki áfram kost á sér í formannsembættið og var Helgi Páll Þórisson kjörinn nýr formaður sambandsins. Með Helga Páli í stjórn eru Jónína Guðbjartsdóttir, Bergur Jónsson, Elín Dögg Guðmundsdóttir og Hermann Haukur Aspar. Í varastjórn sitja Olgeir Olgeirsson, Eggert Steinsen og Kári Guðlaugsson.

Við þingslit var boðað til haustfundar ÍHÍ sem áætlaður er í lok ágúst næstkomandi. Þar verður farið yfir innra starf hreyfingarinnar með nýráðnum afreksstjóra sambandsins, Valdimir Kolek.

Meðfylgjandi mynd er af nýjum formanni ÍHÍ, Helga Páli Þórissyni.  

Mynd:  ÍHÍ