ÍSÍ vill minna allar einingar innan vébanda ÍSÍ á að nýta sér endurgreiðslur vegna launakostnaðar og verktakagreiðslna á tímum kórónuveirufaraldurs.Vinnumálastofnun annast framkvæmd þessa úrræðis. Það tekur til greiðslna vegna launakostnaðar og verktakagreiðslna hjá íþróttafélögum og öðrum samböndum sem starfa innan ÍSÍ sem hófu starfsemi fyrir 1. október 2020 og þurftu að fella niður starfsemi tímabundið, að hluta eða öllu leyti, vegna opinberra sóttvarnarráðstafana á tímabilinu 1. október 2020 til og með 30. júní 2021. 

Umsóknir um greiðslur skulu berast Vinnumálastofnun fyrir 30. september 2021. Eftir þá dagsetningu fellur réttur til greiðslu niður.

Nánari upplýsingar er að finna á heimasíðu VMST.